قصيدة مفتوحةللومار

يالوماريا بطل لدغال يالّي قهرت إسّنغال
بلخباثة وبلتكتيك باش نهزّو لكوب دافريك

حاجة برك مافهمناهاش تلعّب في سانطوس علاش

ولاّهاكي إلكابيتان ابهم واحد في لميدان
يالوماريا بطل لدغال يالّي قهرت إسّنغال
ملاّ حالة وملّا فظيحة وللكيب تستحق طريحة

لاّ قليّب ولا تكنيك يحبّو يربحو فلأفريك

حتّا مل "محترف " شيخاوي طرحو لبارح، طرح هاوي
يالوماريا بطل لدغال يالّي قهرت إسّنغال
لا ثابت و لا معلول حتّى حد عندو مايقول "حكيت مع روجي"، قال نبيل وهوّ بكّوش، باش مانقولوش ذليل

يالومار يا تحفون راك تخلص ستّين مليون
يالوماريا بطل لدغال يالّي قهرت إسّنغال

Source